ہوٹل پر چائے بنانے والا اب قومی اسمبلی میں قانون بنائیگا

تحریک انصاف کے ٹکٹ پر این اے 41 باجوڑ سے منتخب رُکن گل ظفر خان پنڈی کے ہوٹل پر چائے بنانے کا کام کرتے ہیں لیکن اب وہ قومی اسمبلی میں قانون بنائینگے۔گل ظفر خان کا کہنا ہے کہ حلقے میں تعلیم کا فروغ اور عوامی خدمت انکی اوّلین ترجیح ہو گی۔ میرے پاس ایک ہی موقع ہے کہ اپنے علاقے کے مسائل حل کروں، حلقے کے لوگوں کی توقعات پر پورا اترنے کیلئے انتھک محنت کروں گا۔نجی ٹی وی سے بات کرتے ہوئے انہوں نے مزید کہا کہ چائے بنانا میرا پیشہ ہے، یہی کام کرتے ہوئے آج ایم این اے بن گیا۔ چاہتا ہوں قوم کے بچوں کو سیاست میں لاؤں۔