پاک فوج کا ملک بھر میں ایک کروڑ پودے لگانے کا اعلان

ترجمان پاک فوج میجر جنرل آصف غفور کا کہنا ہے کہ موجودہ شجرکاری مہم میں پاک فوج کی جانب سے ایک کروڑ پودے لگائے جائیں گے۔پاک فوج کے شعبہ تعلقات عامہ (آئی ایس پی آر) کے مطابق پاک فوج کی جانب سے ملک بھر میں ایک کروڑ پودے لگائے جائیں گے اور شجر کاری مہم کا آغاز آرمی چیف جنرل قمرجاوید باجوہ اور ان کی اہلیہ آج پودا لگا کر کریں گے اور اس کے بعد صرف آج کے روز 20 لاکھ پودے لگائے جائیں گے۔ترجمان پاک فوج میجر جنرل آصف غفور نے سماجی رابطے کی ویب سائٹ ٹویٹر پر بتایا ہے کہ شجر کاری مہم کو سرسبز پاکستان کا نام دیا گیا ہے اور اس شجرکاری مہم میں مجموعی طور پر ایک کروڑ پود ے لگائے جائیں گے۔