پاکستان کے قومی پرچم کے مقدس سبز رنگ کی مناسبت سے پاک فوج پاکستان کو سر سبز بنانے میں پیش پیش ہے، سٹریٹیجک پلانز ڈویژن نے آرمی چیف کی ہدایت پرشجر کاری مہم کا آغاز کر دیا۔ہر سو جشن آزادی کے رنگ نظر آ رہے ہیں، بچے ہوں یا بڑے ، پاکستان کے رنگ میں رنگ گئے، پاک فوج کے سنگ اہل وطن نے پاک سرزمین کو سر سبز و شاداب بنانے کا عزم کر لیا۔ پاک فوج کی شجر کاری مہم میں سٹریٹیجک پلانز ڈویژن نے بھی اپنا حصہ ڈالا اور پودا لگا کر شجرکاری مہم کا آغاز کیا۔ اس موقع پر خواتین اور بچوں کی بڑی تعداد بھی موجود تھی۔ سب نے عہد کیا کہ قومی پرچم میں سبز رنگ کی طرح پیارے وطن کو بھی سبز رنگ میں رنگ دیں گے۔رنگا رنگ تقریب میں بچوں نے بھی پودے لگائے اور ملی نغموں سے سب کا لہو گرمایا۔ منتظمین کا کہنا تھا کہ یوم ٓازادی لازوال قربانیوں کی یاد دلاتا ہے، اس دن عزم کرتے ہیں وطن کو عظیم سے عظیم تر بنائیں گے۔
تازہ ترین