خوشیوں کا چھکا، خاتون کے ہاں بیک وقت 6 بچوں کی پیدائش

شہباز علی (لاہور) راوی روڈ کی رہائشی خاتون کے ہاں بیک وقت 6 بچوں کی پیدائش ہوئی ہے جس میں سے ایک بچی انتقال کرگئی۔ایکسپریس نیوز کے مطابق لاہور کے علاقے راوی روڈ کی رہائشی خاتون مسز قاسم کے ہاں بیک وقت 6 بچوں کی پیدائش ہوئی ہے، بچوں میں 5 لڑکیاں اور ایک لڑکا شامل ہیں۔ڈاکٹرز کے مطابق بچوں کو حالت بہتر نہ ہونے اور وزن کم ہونے کے باعث چلڈرن اسپتال منتقل کردیا گیا ہے جہاں بچوں کو انتہائی حساس نرسری وارڈ میں رکھا گیا ہے،کمزوری کے باعث ایک بچی جان کی بازی ہار گئی ہے۔موقع پر موجود ڈیوٹی ڈاکٹر کا کہنا ہے کہ ابھی بچوں کی صحت کے حوالے سے کچھ نہیں کہا جاسکتا۔

جواب دیں

Please enter your comment!
Please enter your name here