سابق کپتان وسیم اکرم نے اہم انکشاف کر دیا۔”جنگ ” کے مطابق سابق کپتان وسیم اکرم نے کہا کہ پروفیشن کے اعتبار سے پاکستانی کھلاڑیوں کو معاوضہ دیا جاتا ہے یہ ملک کیلئے کھیلتے ہیں ان کیلئے کوئی معیاری اصول تو ہونے چاہئیں۔
وسیم اکرام نے کہا کہ ہمارے کھلاڑیوں کا فٹنس لیول دیکھیں، ہم کئی ہفتوں سے ٹی وی سکرین پر چیخیں مار رہے ہیں کہ 2 سال سے فٹنس ٹیسٹ نہیں ہوا۔
وسیم اکرم نے کسی بھی کرکٹر کا نام لیے بغیر ناراضی کا اظہار کرتے ہوئے کہا کہ میں اب کیا کھلاڑیوں کے انفرادی طور پر نام لوں جن کے اتنے بڑے بڑے منہ ہوگئے ہیں، انہیں دیکھ کر لگتا ہے جیسے روزانہ 8 ،8 کلوکڑاہی کھاتے ہوں، نہاری کھاتے ہوں ان کھلاڑیوں کا ٹیسٹ بھی تو ہونا چاہیے ۔فیلڈنگ کیلئے فٹنس ضروری ہے۔
جب مصباح الحق کوچ تھے تو کھلاڑیوں کیلئے ایک طریقہ کار تھا جس سے کھلاڑیوں کو نفرت بھی ہوتی تھی لیکن وہ کام کرتا تھا۔
