پاکستان تحریک انصاف ( پی ٹی آئی )کے سابق رہنما محمود مولوی نے دعویٰ کیا کہ شاہ محمود قریشی سے جیل میں ملاقات کا نتیجہ جلد سامنے آجائے گا۔
نجی ٹی وی سے گفتگو کرتے ہوئے محمود مولوی نے کہا کہ انہوں نے فواد چوہدری اور عمران اسماعیل کے ہمراہ جیل میں شاہ محمود قریشی سے ملاقات کی، یہ ملاقات خوش آئندہ تھی اور اس کا نتیجہ دو دن میں سامنے آجائے گا۔
محمود مولوی نے کہا کہ عام انتخابات اکتوبر میں ہوتے نظر آرہے ہیں، 9 مئی کے بعد صورتحال بدل گئی ہے، اس وقت تحریک انصاف کا سائیڈ میں ہونا مسئلےکا حل نہیں۔
کٹھ پتلیوں سےمذاکرات کر کےوقت ضائع نہیں کرناچاہتے:حماداظہر
انہوں نے مزید کہا کہ شریف بھی نااہل ہوئے تھے اور بے نظیر بھٹو نے بھی پارٹی امین فہیم کے حوالے کی تھی۔
یاد رہے کہ چند روز قبل محمود مولوی نے فواد چوہدری اور عمران اسماعیل کے ہمراہ اڈیالہ جیل میں شاہ محمود قریشی سے ملاقات کی تھی ۔
ملاقات کے بعد پریس کانفرنس کرتے ہوئے فواد چوہدری کا کہنا تھا کہ موجودہ صورتحال میں پی ڈی ایم کو اکیلا نہیں چھوڑاجا سکتا۔
