پاکستان مسلم لیگ( ق) کے سربراہ چوہدری شجاعت حسین کا کہنا ہے کہ سیاست ہوتی رہے گی پہلے عوام کی بہبود کا سوچنا ہوگا، سیاسی رنجش کو ذاتی رنجش نہ بنائیں ، ملک کا سوچیں، پاکستان ہے تو سب ہیں۔
سابق صدر آصف علی زرداری نے لاہورمیں سابق وزیراعظم چوہدری شجاعت حسین سے انکی رہائش گاہ پر ملاقات کی ، ملاقات میں چیف آرگنائزر پاکستان مسلم لیگچوہدری سرور، وفاقی وزیرچوہدری سالک اور جنرل سیکرٹری پنجاب چوہدری شافع بھی شریک ہوئے۔
سپریم کورٹ میں کوئی گروپنگ نہیں،جسٹس قاضی فائزعیسی
چوہدری شجاعت حسین کا کہنا تھا کہ مہنگائی آسمان سے باتیں کر رہی ہے ، مہنگائی کم کرنا حکومت کی اولین ترجیح ہونی چائیے،تمام سیاسی پارٹیاں ملکی معیشت کو بہتر بنانے کے لیے کردار ادا کریں،سیاست بعد میں بھی ہوتی رہے گی، پہلے عوام کی بہبود کا سوچنا ہوگا، سیاسی رنجش کو ذاتی رنجش نہ بنائیں ، ملک کا سوچیں، پاکستان ہے تو سب ہیں۔
چوہدری سرور کا کہنا تھا کہ بجٹ میں مزدور کی تنخواہ کم از کم اتنی ہونی چاہیے کہ وہ اپنے بچوں کو تعلیم دلوا سکے،بجٹ غریب کیلئے ٹیکس فری ہونا چاہیے،،بظاہر ہر بجت میں یہ کہا جاتا ہے کہ غریب کو ریلیف ملے گا لیکن مستفید اشرافیہ ہوجاتی ہے۔
