نگران وزیراعلیٰ پنجاب محسن نقوی کا کہنا ہے کہ ہیلتھ کارڈ بالکل بند نہیں ہو رہے اور کسی غریب کا علاج بند نہیں ہو رہا، نگران وزیراعلیٰ پنجاب محسن نقوی نے رات گئے لاہور میں اکبر چوک فلائی اوور منصوبے کا دورہ کیا اور کام کی رفتار کا جائزہ لیا۔
لاہور اکبر چوک فلائی اوور منصوبے کے دورے پر میڈیا سے گفتگو کے دوران محسن نقوی نے کہا کہ ہیلتھ کارڈ کا غلط استعمال بند کیا جائے ، دل کے آپریشن بالکل بند نہیں کیے ، صرف نجی اسپتال میں دل کے آپریشن پر 30 فیصد ادا کرنا ہوگا۔
صحت ہیلتھ کارڈ سے بیٹے کا علاج نہ ہونے پر شہری کا عدالت کو خط
محسن نقوی کا کہنا تھا کہ ہیلتھ کارڈ بند نہیں ہو رہے ، یہ منصوبے اس پر مکمل ہو گا، جرائم کی شرح پر بات کرتے ہو ئے محسن نقوی کا کہنا تھا کہ جرائم کی شرح کم ہو ئی لیکن جس طرح کم ہونی چاہیےتھی اس طرح نہیں کم نہیں ہو ئی۔
مزید یہ کہ نگران وزیرصحت پنجاب ڈاکٹر جاوید اکرم نے کہا تھا کہ صحت سہولت کارڈ کا نام بدلتا رہا ، لوگ اس کارڈ پر ارب پتی بن گئے، اور اتنے اسٹنٹ ڈالے گئے کہ ملک سے اسٹنٹ ختم ہو گئے۔
