خاکروب خواتین کے گروپ کے خریدے گئے لاٹری ٹکٹ پر 10 کروڑ روپے کا انعام نکل آیا۔
غیر ملکی میڈیا کے مطابق بھارتی ریاست کیرالہ میں 11 خاکروب خواتین نے 25 ، 25 روپے اکٹھا کرکے لاٹری کا ٹکٹ خریدا، لاٹری ٹکٹ کیلئے پیسے جمع کرنے والی خاتون کےپاس 25 روپے بھی نہیں تھے، اس لیے انہوںنے اپنے ساتھی سے پیسے ادھار لیے تھے۔
خاکروب خواتین کے قسمت نےساتھ دیااور انکی 10 کروڑ یعنی 12 لاکھ امریکی ڈالر کا جیک پاٹ نکل آیا، خواتین خاکروب کا یہ گروپ گھر گھر جا کر کوڑا اکٹھا کرتا ہے، اور انہیں 250 روپے روزانہ ملتے ہیں ، تھوڑی بہت رقم کچرا بیچ کر بھی خواتین کما لیتی ہیں ۔
خاتون نے خواب میں آنے والے ہندسوں کی مدد سے لاٹری جیت لی
تمام خواتین کے حصے میں ٹیکس کٹنے کے بعد 63 لاکھ فی کس آئیں گے، دس کروڑ کی لاٹری جیتنے کے بعد بھی 11 خواتین خاکروب دوسرے د ن معمول کے مطابق اپنے کام پر پہنچ گئیں ۔
خاکروب خواتین کاکہنا تھا کہ جس کام سے ملی رقم سے انہوں نے لاٹری ٹکٹ خریدا وہ انہیں چھوڑیں گئی اور انعام میں ملنے والی رقم قرض اتارنے ، بچوں کی تعلیم اور گھر بنانے پر خرچ کریں گی۔
