وزیرخزانہ سینیٹر اسحاق ڈار کہنا ہے کہ نوا ز شریف کے الیکشن لڑنے پر پابندی ختم ہو چکی ، نئے قانون کے تحت اب وہ الیکشن لڑ سکتے ہیں ۔
جیو نیوز کے پروگرام آج شاہزیب خانزادہ کے ساتھ میں گفتگو کرتے ہوئے اسحاق ڈار کا کہنا تھا کہ نواز شریف متحدہ عرب سے عمرے کی سعادت حاصل کرنے سعودی عرب جا رہے ہیں ، جس کے بعد وہ انگلینڈ جائیں گے۔
وطن واپسی سے متعلق سوال پر اسحاق ڈار کا کہنا تھا کہ (ن) لیگی قیادت جب کہے گی نواز شریف تب وطن واپس آ جائیں گے، نواز شریف پر وہی کیس ہےجس کیس میں مریم نواز میںبری ہوئی ہیں ۔
نواز شریف پیدائشی نااہل ہےاہل ہونے یانہ ہونے سےفرق نہیں پڑتا:شیخ رشید
اسحاق ڈار کا کہنا تھا کہ کو معیشت 2013 میں ڈیفالٹ کے قریب تھی اسے نوا زشریف نے 2017 میں ترقی کی بلندیوں کی طرف لے گئے، ہمیں انکی لیڈر شپ ک ضرورت ہے۔
اسحا ق ڈار کا کہنا تھا کہ 8 ماہ بہت مشکل سے گزارے، میری ٹیم کے لوگ بھی کہتے تھے کہ آئی ایم ایف کے ساتھ معاہدہ نہیں ہو سکے گا لیکن میں ان سے کہتا کہ معاہدہ جون کے آخری ہفتے میں ہو جائے گا ۔
