پنجاب پولیس کی اسپیشل ٹیم خطرناک قاتل کو اٹلی سے پاکستان لے آئی ۔
پولیس کے مطابق ملزم 2 پولیس اہلکاروں سمیت 13افراد کے قتل میں ملوث اور اشتہاری ملزم ہے ۔
ترجمان پنجاب پولیس نے بتایا کہ ملزم ارشد نے 2013 میں گوجرانوالہ پولیس کی زیرحراست اپنے مخالف شہاب دین کو قتل اور 2 پولیس اہلکاروں گلفان اللہ اور افتخار احمد کو فائرنگ کر کے شہید کیا تھا،وارادت کے بعد ملزم 10 سال سے روپوش تھا ۔
گوجرانوالہ میں کارسوار4نوجوانوں کی موت کی وجہ سامنےآ گئی
پولیس کے مطابق اسپیشل آپریشن سیل اور سی آئی اے ٹیم نے ملزم کو گزشتہ سال اکتوبر میں اٹلی میں گرفتار کیا تھا ، جہاں قانونی تقاضے پورے کرنے کے بعد اٹلی سے پاکستان لایا گیا ہے ۔
آئی جی پنجاب نے ملزم کو پاکستان لانے والی ٹیم کو شاباش دی اور سی پی گوجرانوالہ رانا ایاز سلیم ، انسپکٹر خالد نواز وریا اور سب انسپکٹر چمن شہزاد کی کارکردگی کو سراہا ۔
