لاہور ہائیکورٹ نے ظل شاہ قتل کیس میں چیئر مین پاکستان تحریک انصاف ( پی ٹی آئی ) کی عبوری ضمانت کی درخواست منظور کر لی۔
چیئر مین پی ٹی آئی ظل شاہ قتل کیس میں ضمانت کے لیے لاہور ہا ئی کورٹ پیش ہو ئے، جسٹس انوار الحق نے چیئر مین پی ٹی آئی کی درخواست ضمانت پر سماعت کی ۔
عدالت نے پراسکیوٹر سے استفسار کہ کونسی دفعات کے تحت مقدمات درج ہیں؟ کیا یہ کیس قابل ضمانت ہے ؟ پراسکیوٹر نے جواب دیا کہ جی ہےتو یہ قابل ضمانت۔
ظل شاہ قتل کیس:عمران خان کی عبوری ضمانت منظور
عدالت میں اسسٹنٹ ایڈووکیٹ جنرل پنجاب نے ایف آئی آر پڑھ کر سنائی، عدالت نے کہا کہ یہاں 3 پراسکیوٹر کھڑے ہیں ، بتائے آپ نے جو ایف آئی آر پڑھی اس سے ملزم کا کیا تعلق بنتا ہے ؟
آپ چھوڑ دیں کہ ملزم کو ن ہے صرف یہ دیکھیں کہ کیا اسکی ضمانت منسوخ ہو تی ہے ، آپ کوئی تو طریقہ بتا دیں۔
بعدازاں عدالت نے چیئر مین پی ٹی آئی کی ظل شاہ قتل کیس میں ایک لاکھ روپے کے مچلکوں کے عوض ضمانت منظور کر لی ۔
