توہین الیکشن کمیشن کیس میں فواد چوہدری کے ناقابل ضمانت وارنٹ گرفتاری جاری کر دیے گئے ۔
فواد چوہدری کے خلاف توہین الیکشن کمیشن کیس کی سماعت چیف الیکشن کمشنر کی سربراہی میں پانچ رکنی کمیشن نے کی ۔
اسلام آباد پولیس کے اہلکار کا کہنا تھا کہ میں فواد چوہدری کے وارنٹ کی تعمیل کیلئے انکی رہائش گاہ گیا تھا ، جہاں انکے بھائی فیصل چوہدری ملے ،فیصل چوہدری نے کہا کہ انکے بھائی کے خلاف سیاسی مقدمات ہیں وہ ہمیں بھی نہیں ملے ۔
فواد چوہدری کی چوہدری سرور سے ملاقات کی خبریں،فواد چوہدری کی تردید
ممبر الیکشن کمیشن کا کہنا تھا کہ فواد چوہدری نہ خود آئے اور نہ ہی انہوں نے حاظری سے استثنیٰ کی درخواست دی ہے ، فواد چوہدری کے معاون وکیل نے کیس ملتو ی کرنے کی درخواست کی اور کہا کہ ہائی کورٹ میں آج الیکشن کمیشن کے وکیل نے دلائل دینے ہیں ، کیس ملتوی کردیں۔
وکیل نے موقف اختیار کیا کہ ہائی کورٹ ایک دو دن میں فیصلہ کر دے گی ، الیکشن کمیشن نے فواد چوہدری کے معاون وکیل کی استدعا مسترد کرتے ہوئے ناقابل ضمانت وارنٹ گرفتاری جاری کر دیے ۔
