توشہ خانہ کیس :چیئر مین پی ٹی آئی کی اہلیہ بشریٰ بی بی کی عبوری ضمانت میں توسیع
توشہ خانہ کیس میں چیئر مین پی ٹی آئی کی اہلیہ بشریٰ بی بی کی عبوری ضمانت میں توسیع کر دی گئی ۔
ڈسٹرکٹ اینڈ سیشن جج کورٹ اسلام آباد میں بشریٰ بی بی کیخلاف توشہ خانہ کیس کی سماعت ایڈیشنل سیشن جج طاہر عباس سپرا نے کی ، بشریٰ بی بی وکلاء سلمان صفدر ، انتظار پنجوتھا اور نعیم پنجوتھا کے ہمراہ عدالت میں پیش ہوئیں، تفتیشی افسر نے کہا کہ انہیں سابق خاتون اول کی گرفتاری مطلوب ہے ، بشریٰ بی بی کی آڈیو فرانزک کیلئے ایف آئی اے کو بھیجی ہوئی ہے۔
پرویز الٰہی کی جانب سے دائر توہین عدالت کی درخواست خارج
اس موقع پر وکیل صفائی نے کہا کہ 3 گھنٹے بلایا جاتا ہے اور بٹھائے رکھتے ہیں ، تفتیش کے دوران بتایا بھی گیا کہ مذکورہ آڈیو بشریٰ بی بی کی نہیں ، عدالت نے استفسار کیا کہ معاملہ رسیدوں کا ہے تو آڈیو کہا ں سے آ گئی ؟ ایف آئی آر کی مطابق کیس کو لے کر چلیں تو اچھا ہے ۔
تفتیشی افسر نے کہا کہ عدالت سے استدعا ہے کہ بشریٰ بی بی کی وائس میچنگ کیلئے وقت دیا جائے ، عدالت نے تفتیشی افسر کی استدعا منظور کرلی ، عدالت نے بشریٰ بی بی کی عبوری ضمانت میں 12 ستمبر تک توسیع کرتے ہوئے سماعت ملتوی کر دی ۔
