عوامی مسلم لیگ کے سربراہ سابق وفاقی مسلم لیگ شیخ رشید احمد نے کہا کہ بلاول کو آکری دن سمجھ آئی ہے کہ حکومت اداروں کو اپنی حدود میں کام کروانے میںناکام رہی ہے۔رخصتی میں 48 گھنٹے رہ گئے ہیں تو انہیں مثاق جمہوریت کی قبر یاد آ گئی۔
سماجی رابطے کی ویب سائٹ پر ایک پیغام میں شیخ رشید احمد نے کہا کہ یہ اب سوچ رہے ہیں کہ 24 کروڑ عوام والے ایٹمی ملک کی نگران حکومت کی گھنٹی کس کے گلے میںڈالنی ہے اور کتنے عرصے کیلئے ڈالنی ہے ، بلاول کو آخری وقت میں سمجھ آئی ہے کہ حکومت اداروں کو اپنی حدود میںکام کروانے میںناکام رہی ہے ۔
پی ڈی ایم عوام کوریلیف نہیں بلکہ تکلیف دے رہی ہے:شیخ رشید
سربراہ عوامی مسلم لیگ کا کہنا تھا کہ 24 کروڑ لوگوں کو بھیڑ بکریوں کی طرح چلایا جا رہاہے ، الیکشن میں جارہے ہیں ،مگر الیکشن کمیشن کا حلقہ بندیوں پر اور نئی مردم شماری پر ابھی تک واضح اعلان سامنے نہیں آیا ۔
حکومت بجلی صارفین پر مزید 144 ارب روپے کا بوجھ ڈال سکتی ہے ، ڈالر عنقریب 300 کراس کر جائے گا ، غریب چیختا چلاتا رہ جائے گا ، جب تک عوام کو قومی معاملات میں شامل نہیں کیا جائے گا اُس وقت تک ملک کے سیاسی ، اقتصادی ، معاشی اور مالیاتی حالات ٹھیک نہیں ہو سکتے ہیں ۔
