مرکزی سیکرٹری اطلاعات استحکام پاکستان پارٹی ( آئی پی پی ) فردوس عاشق اعوان نے کہا ہے کہ جہانگیر ترین کا ملکی سیاست سے دور رہنا پاکستان کیلے مشکل دور ثابت ہوا۔
اپنے ایک بیان میں سپریم کورٹ کی جانب سے ریویو آف ججمنٹس اینڈ آرڈر ایکٹ 2023 کو کالعدم قرار دینے کے فیصلے پر رد عمل دیتے ہوئے مرکزی سیکرٹری اطلاعات آئی پی پی کا کہنا تھا کہ پارلیمان کے فیصلے کو کالعدم قرار دینا سیاسی راہگزاری پر خندقیں کھودنے جیسا ہے۔
فردوس عاشق اعوان کا کہنا تھا کہ پارلیمنٹ کے فیصلے اس طرح بے وقعت ہونے لگے تو سیاسی بھرم ٹوٹ جائے گا، ایوان زیریں اور ایوان بالا کو قانون سازی کا حق آئین دیتا ہے، آئی پی پی لیگل ونگ سے اس پر رائے لی جائے گی اور قانونی مشاورت کے بعد اگلا لائحہ عمل طے کیا جائے گا۔
آرمی چیف اقتصادی سپہ سالارکاکردارادا کررہےہیں،فردوس عاشق
ان کا کہنا تھا کہ جہانگیر ترین کی سیاست کو بنی گالا کی ہٹ دھرمی کی بھینٹ چڑھایا گیا، کاش ایک عورت کے تکبر اور حسد کو جہانگیر ترین کی سیاست پرترجیح نہ دی جاتی، ان کا قصور یہ تھا کہ انہوں نے وضع داری کا دامن نہیں چھوڑا۔
انہوں نے مزید کہا کہ اب پارٹی کے پلیٹ فارم سے بردبار سیاست کا دورشروع ہو گا اور ملک جلد ہی جہانگیر ترین اور علیم خان کی سربراہی میں شاہراہ ترقی پر گامزن ہو گا۔
