پولیس نے شو روم میں نوجوان کو تشدد کر کے قتل کرنے والے چاروں مرکزی ملزمان کو گرفتار کرلیا اور دیگر ملزمان کی گرفتاری کی بھی کوششیں کی جا رہی ہیں۔
تفصیلات کے مطابق کراچی کے علاقے نارتھ کراچی میں شوروم میں شہری کو تشدد کر کے قتل کرنے والے چاروں مرکزی ملزمان کو گرفتار کر لیا گیا۔
پولیس نے گرفتار افراد میں علی، عمار ، حسان اور سفیر شامل ہیں ، چاروں افراد کو مقتول عدیل کے اہل خانہ نے مقدمے میں نامزد بھی کیا تھا۔
پولیس کا کہنا ہے کہ گرفتار چاروں ملزمان ویڈیوز میں نوجوان پر تشدد کرتے ہوئے بھی دکھائی دے رہے ہیں جبکہ ویڈیو میں مزید افراد بھی موجود ہیں جو نوجوان پر تشدد ہوتے دیکھ رہے تھے لیکن انہوں نے واقع کی اطلاع پولیس کو نہ دی اور جرم چھپایا۔
پولیس نے کہا کہ ویڈیو میں نظر انے والے دیگر افراد کی گرفتاری کی بھی کوششیں کی جا رہی ہیں۔
گذشتہ روز مقامی عدالت نے کار شو روم مالکان کی جانب سے نوجوان عدیل پر تشدد اور قتل کرنے کے معاملے پر ملزمان علی اور عماد کو پانچ روزہ ریمانڈ پر پولیس کے حوالے کر تے ہوئے آئندہ سماعت پر پولیس کو پیش رفت رپورٹ پیش کرنے کا حکم دیاتھا۔
