الیکشن میں خوابوں کے محل چکنا چور ہوں گے:شیخ رشید

سماجی رابطے کی ویب سائٹ ٹوئٹر پراپنے پیغام میں شیخ رشید احمد نے لکھا کہ پشاور میں شہباز شریف نے کہا کرپشن اور سفارش سکہ رائج الوقت ہے جو کرنا ہے میرے سہارے پر نہیں رہنا ، پی ڈی ایم نے نام ریاست بچانے کا لیا تھا ، اور کام اپنے کرپشن کے کیسز ختم کرانے کیلئے کئے اور عوام کو مہنگائی ، بیروزگاری کی سولی پر لٹکا دیا ۔

شیخ رشید کا کہنا تھا کہ جس دن فرد جرم لگنا تھی اسی دن حلف اٹھایا جس اسمبلی کو یہ جعلی کہتے تھے اسی نام نہاد اسمبلی جسکی نہ عزت ہے نہ توقیر ایسے قانون پاس کرائے جنکی آئینی ترمیم کے بغیر کوئی حیثیت اور افادیت نہیں ۔

ڈیفالٹ کی تلوار ہمارے سر پے لٹکتی رہے گی: شیخ رشید

شیخ رشید کا کہنا تھا کہ کسی پارٹی کونااہل کرانے کیلئے انکے خواہشات اور خوابوں کے محل سپریم کورٹ کی منظوری کے بغیر ممکن نہیں ، یہ 13 پارٹیوں کا غیر فطری اتحاد ہے جسکا شیرازہ الیکشن سے پہلے بکھر جائے گا۔

قرض لینے کا پروگرام ہے قرض واپسی کا انکے پاس کوئی پروگرام نہیں کیونکہ بلومبرگ کے مطابق پاکستان کی ادائیگیاں اسکے زرمبادلہ کے ذخائر سے 6 گناء زیادہ ہو گئی ہیں ۔

پشاور میں شہباز شریف نے کہا ہے کرپشن اور سفارش سکہ رائج الوقت ہے جو کرنا ہے آپ نے کرنا ہے میرے سہارے پر نہیں رہنا۔ انہوں نے نام ریاست بچانے کا لیا اور کام اپنے کرپشن کے کیسز ختم کرانے کے لیے کیے اور عوام کو مہنگائی بےروزگاری کی سولی پر لٹکا دیا۔ جس دن فرد جرم لگنی تھی اسی دن حلف…

— Sheikh Rashid Ahmed (@ShkhRasheed) July 13, 2023

سربراہ عوام مسلم لیگ کہنا تھا کہ یہ نواز شریف کو بھی بلوا لیں تاکہ کوئی حسرت باقی نہ رہے ، جیسے مرضی الیکشن کروا لیں 24 کروڑ عوام کے جذبات کا خون نہیں کیا جا سکتا ہے ، پاکستان کی معاشی اور اقتصادی صورتحال اللہ اور عوام کی مدد کے بغیر ٹھیک نہیں ہو سکتی ہے ۔