حوالہ ہنڈی میں غیر قانونی درآمد کیے گئے 24 کروڑ روپے سے زائد مالیت کے موبائل فونز کی سپلائی رسدیں برآمد، کیشیئر گرفتار۔
ایف آئی اے اینٹی کرپشن سرکل نے موبائل فونز کی خریدو فروخت کی آڑ میں حوالہ ہنڈی میں ملوث ٹیک زون نامی کمپنی سے 32 لاکھ روپےبرآمد کرکےایک ملزم کو گرفتارکرلیا ۔
آئی ایم ایف کا بجلی کے پیداوری اداروں کی مراعات واپس لینے کا مطالبہ
ایف آئی اے اینٹی کرپشن نے ڈپٹی ڈائر یکٹر جاوید بلوچ کی ہدایت پر زمزمہ موبائل مارکیٹ میں کارروائی کی ، اس دوران کمپنی کے کیشیئر شاہ رخ کی گرفتاری عمل میں آئی، غیر قانونی طور پر درآمد کیے گئے 24 کروڑ روپے سے زائد مالیت کے موبائل فونز کی سپلائی رسدیں بھی برآمد کی گئیں ۔
دیگر برآمد اشیاء میں تین اقسام کے 14 نئے اور پرانے آئی فونز ، 2 آئی پیڈز اور 2 اسمارٹ گھڑیاں برآمد ہوئیں جبکہ برآمد موبائل فونز اور دیگر اشیا کی مالیت 38 لاکھ روپے سے زائد ہے،کمپنی اور ملزم کے خلاف مقدمہ درج کرکے مزید کارروائی جاری ہے ۔
