آفیشل سیکرٹ ایکٹ عدالت نے سائفر کیس میں چیئر مین پی ٹی آئی اور شاہ محمود قریشی کے جو ڈیشل ریمانڈ میں 26 ستمبر تک توسیع کردی ۔
خصوصی عدالت کے جج ابو الحسنات محمد ذوالقرنین نے اٹک جیل میں سائفر کیس کی سماعت کی ، اس سے قبل عمران خان کی لیگل ٹیم کے 9 وکلاکو اٹک جیل جانے کی اجازت دی گئی تھی جب کہ سائفر کیس کی تحقیقات کرنے والی ایف آئی اے کی ٹیم بھی اٹک جیل پہنچی، سماعت کے موقع پر پی ٹی آئی رہنما اور سابق وزیرخارجہ شاہ محمود قریشی کو ہتھکڑی لگا کر آفیشل سیکرٹ ایکٹ خصوصی عدالت میں پہنچایا گیا۔
عدالت پہنچنے پر شاہ محمود قریشی کو آگاہ کیا گیا کہ جج صاحب سماعت کیلئے جیل گئے ہیں ، جج سے پوچھ لیتے ہیں کہ اگر انہوں نے اجازت دی تو آپ کو حاضری لگا کر واپس بھیج دیں گے ۔
حوالہ ہنڈی کے 24 کرورڑروپےبرآمد،ایف آئی اے
شاہ محمود قریشی نے کہا کہ میری ضمانت کا کیا ہوا ؟ جس پر جواب دیا گیا کہ جج صاحب آج اٹک جیل میں عمران خان کے کیس کی سماعت کیلئے گئے ہیں ، آپکی ضمانت کی درخواست پر سماعت کل ہو گئی ۔
بعد ازاں آفیشل سیکرٹ ایکٹ خصوصی عدالت کے جج ابو الحسنات محمد ذو القرنین نے چیئر مین نیب پی ٹی آئی عمران خان اور شاہ محمود قریشی کے جو ڈیشل ریمانڈ میں 26 ستمبر تک توسیع کر دی۔
