سمندری طوفان نے لیبیا میں تباہی مچا دی ، 5 ہزار 200 اموات ریکارڈ
سمندری طوفان نے لیبیا کے ساحلی علاقوں میں تباہی مچا دی جسکے نتیجے میں اموات کی تعداد 5 ہزار 200 ہوگئی ۔
غیر ملکی میڈیا کے مطابق بڑی اموات ہونے کے ساتھ سیلابی ریلوں میں 10ہزار افراد لاپتا ہو گئے ہیں ۔
لیبیا حکام کا کہنا ہے کہ درنہ شہر کی لاتعداد کالونیاں صفحہ ہستی سے مٹ گئیں ، درنہ اور قریبی علاقوں میں زیادہ تباہی ڈیم ٹوٹنے سے ہوئی ۔
مراکش میں زلزلہ:جاں بحق افرادکی تعداد 3 ہزار تک جا پہنچی
تفصیلات کےمطابق سمندری طوفان کے باعث لیبیا کے شمال مشرقی ساحلی علاقوں میں کرفیو نافذ کردیا گیا ہے اور ساتھ ہی تعلیمی اداروں میں سرگرمیاں غیر معینہ مدت کے لیے معطل کردی گئی ہیں۔
لیبیا کے وزیر داخلہ عصام ابوزریبہ نے بتایا کہ سمندری طوفان کی تباہ کاریوں کے باعث حکومت نے بین الاقوامی اور مقامی ایجنسیوں سے فوری امداد کی اپیل کی ہے ۔
