نگران وزیراعظم انوار الحق کا کڑ نے کہا ہے کہ نواز شریف کو گرفتار کرنے کا فیصلہ قانون نافذ کرنے والے ادارے کریں گے
انوار الحق کاکڑ کا کہنا ہے کہ اگر سمجھتے ہیں کہ نواز شریف کو ہتھکڑی لگانی ہے تواس کا فیصلہ قانون کرے گا۔ اگر سمجھتے ہیں ہتھکڑی پہنانے کی ضرورت نہیں ہے تو اسی وقت فیصلہ کریں گے ۔
نگران وزیراعظم کا کہنا ہے کہ پاکستان تحریک انصاف الیکشن میں جا رہی ہے ، ایسا نہیں کہ میں فرمان جاری کر دوں کہ پی ٹی آئی سیاسی عمل میں حصہ لے سکتی ہے یا نہیں لے سکتی ، قانونی عمل کے بعد حق یا مخالفت میں فیصلہ آنے کے بعد انہیں اپیل میں جانے کا حق حاصل ہو گا ۔
نواز شریف 15 کی بجائے 21 اکتوبرکو وطن واپس آئیں گے:شہبازشریف
نگران وزیر اعظم انوار الحق کاکڑ نے کہا کہ نواز شریف کو وطن واپسی پر گرفتار کرنا ہے یا آزاد چھوڑنا یہ فیصلہ قانون کے مطابق ہوگا، سیاسی انتقام کیلئے سیاستدانوں کا احتساب نہیں ہونا چاہئے۔
آرمی چیف کا اسمگلنگ کی روک تھام میں اہم کردار ہے ، جب بھی فوج سے مدد طلب کی گئی اسکے اچھے نتائج ملے ، انکا کہنا تھا کہ اسمگلنگ میں سیاستدان اور بیوروکریسی کے لوگ بھی ملوث ہیں ،سیاسی اور معاشی عدم استحکام میں بھی ان لوگوں کا کردار ہے ۔
