آفیشل سیکرٹ ایکٹ کی خصوصی عدالت نے سائفر کیس میں اسد عمر کی درخواست ضمانت قبل از گرفتاری منظور کر لی
جج ابو الحسنات ذولقرنین نے ایف آئی ا ے پراسیکیوٹر کے بیان کی روشنی میں ضمانت منظور کر لی ۔
اسد عمر کو 50 ہزار روپے کی ضمانتی مچلکے جمع کروانے کی ہدایت کی گئی ، ایف آئی اے پراسیکیو ٹر شاہ خاور ایڈوکیٹ نے عدالت میں اہم بیان دیتے ہوئے کہا کہ اس وقت اسد عمر کی گرفتاری درکار نہیں ہے ، کیونکہ ابھی اتک انکے خلاف شواہد نہیں لیکن دوران تفتیش شواہد سامنے آئے تو دیکھیں گے ۔
عمران خان کو سائفر کیس میں ریلیف نہ ملا،ضمانت مسترد
اسد عمر کو ایف آئی آر میں نامز د نہیں کیا گیا ، عدالت میرا بیان لکھ لے ، شاہ خاور ایڈوکیٹ نے کہا کہ مستقبل میں اگر کوئی شواہد سامنے آئے تو اسد عمر کو آگاہ کریں گے ۔
آفیشل سیکرٹ ایکٹ عدالت میں چیئر مین پی ٹی آئی شاہ محمود قریشی اور اسد عمر کیخلاف سائفر کیس کی سماعت کی گئی ۔
