رینجرز نے خفیہ اطلاع پر بلدیہ ٹاؤن میں ذخیرہ اندوزوں کے خلاف آپریشن کرتے ہوئے تقریباََ ایک ارب روپے سے زائد مالیت کی چینی برآمد کر لی ۔
تفصیلات کے مطابق پاکستان رینجرز سندھ نے چینی اور دیگر اناج کی ذخیرہ اندوزی کے خلاف کریک ڈاؤن شروع کر دیا ہے ۔
ترجمان رینجرز کے مطابق چھاپہ مار کارروائیوں کے دوران کراچی کے مختلف علاقہ جات میں دو مختلف گوداموں سے مجموعی طور ہر چینی کی ایک لاکھ 40 ہزار بوریاں برآمد کی گئی ہیں۔
پشاور میں رات 10 بجے کے بعد گھروں سے نکلنے پر پابندی
ترجمان کے مطابق برآمد کی جانے والی چینی کی مالیت تقریباََ ایک ارب روپے سے زائد بنتی ہے ، ذخیرہ شدہ چینی مبینہ طور پر بلوچستان کے راستے افغانستان بھیجی جانی تھی ۔
برآمد شدہ چینی مزید قانونی کارروائی کیلئے سول انتظامیہ کے حوالے لے کر دی جائے گی ۔
