اسلامک اسکالر مولانا طارق جمیل کا کہنا ہے کہ بالی وڈ اسٹار سلمان خان سمیت ان کی بہنیں اپنے گھر میں باقاعدگی سے ان کا بیان سنتی ہیں۔
مولانا طارق جمیل نے ایک پوڈکاسٹ میں شرکت کی جہاں انہوں نے بتایا کہ سلمان خان انہیں بہت اچھی طرح جانتے ہیں اور ان کے بیانات بھی سنتے ہیں۔
میزبان نے سوال کیا کہ ’آپ نے مجھے کہا تھا کہ بالی وڈ اداکار عامر خان نے مجھے بتایا کہ سلمان خان کے گھر بھی بیان چلتے ہیں، کیا آپ کو یادہے؟‘
ثناء خان نے اپنے بیٹے کا نام ’طارق جمیل‘ رکھ دیا
مولانا طارق جمیل نے کہا ہعامر خان نہیں بلکہ میرے ایک دوست ہیں جن کا کاروبار ہندوستان میں بھی ہے، وہ ممبئی گئے تو ان کے پارٹنر نے ان کی ملاقات سلمان خان سے کروائی۔
طارق جمیل نے مزید بتایا کہ سلمان خان کو جب معلوم ہوا کہ یہ شخص پاکستان سے آئے ہیں تو انہوں نے پوچھا کیا آپ مولانا طارق جمیل کو جانتے ہیں؟ جس پر میرے دوست نے کہا کہ آپ کو ان کا کیسے پتا؟ وہ میرے دوست ہیں۔
اس پر سلمان خان میرے دوست کو اپنے گھر کے اندر لے گئے جہاں ایک دیوار کے ساتھ لگے ریک میں میرے بیان کی سی ڈیز موجود تھیں۔
