پاکستان بمقابلہ سری لنکا گال ٹیسٹ سرفرازاحمد نے پاکستان کے لیے ایک اوراعزاز حاصل کرلیا ۔
سرفرازاحمد 3 ہزار ٹیسٹ رنز بنانے والے پاکستان کے پہلے وکٹ کیپربن گئے۔سابق کپتان نے سری لنکا کے خلاف گال ٹیسٹ کی پہلی اننگز میں اعزاز حاصل کیا۔
پاکستان اور سری لنکا کے درمیان کھیلے جارہے پہلے ٹیسٹ میچ کے دوسرے روز وکٹ کیپر بیٹر سرفراز احمد نے اپنے ٹیسٹ کیریئر کے تین ہزار رنز مکمل کرلیے۔
.@SarfarazA_54 completes 3️⃣0️⃣0️⃣0️⃣ Test runs 🙌#SLvPAK pic.twitter.com/oPrMomAjFi
— Pakistan Cricket (@TheRealPCB) July 17, 2023
سرفراز احمد نے 3000 رنز کا سنگ میل 52ویں ٹیسٹ میں عبور کیا، وکٹ کیپر بیٹر 21 ففٹی اور 4 سنچری بھی اسکور کر چکے ہیں۔
سرفراز احمد پاکستان کی جانب سے 3000 رنز بنانے والے 20ویں بیٹر ہیں۔
دوسری جانب قومی کھلاڑی عبداللہ شفیق نے ٹیسٹ کرکٹ میں اپنے ایک ہزار رنز مکمل کیے ہیں، انہوں نے بھی گال ٹیسٹ کے دوسرے روز یہ سنگ میل عبور کیا۔
عبداللہ شفیق نے 24ویں ٹیسٹ اننگز میں ایک ہزار رنز مکمل کیے ہیں۔
.@imabd28 passes the 1️⃣0️⃣0️⃣0️⃣-run mark in his 24th Test innings 👏#SLvPAK pic.twitter.com/3q2gr4q6Po
— Pakistan Cricket (@TheRealPCB) July 17, 2023
واضح رہے کہ پاکستان اور سری لنکا کے درمیان کھیلے جارہے گال ٹیسٹ کے دوسرے روز 101 رنز پر پاکستان کی 5 وکٹیں گر گئی ہیں۔
کھیل کے دوسرے روز سری لنکن ٹیم 312 رنز پر ڈھیر ہوگئی تھی پاکستان کی جانب سے بھی اننگز کے آغاز پر ٹاپ آرڈر فلاپ ہوگیا اور 101 رنز پر آدھی ٹیم پویلین لوٹ گئی۔
