رونالڈو کا ایران پہنچنے پر شاندار استقبال

رونالڈو کا ایران میں استقبال

پرتگال کے سپر اسٹار فٹبالر کرسٹیانو رونالڈو کا ایران کے دارالحکومت تہران پہنچنے پر شاندار استقبال کیا گیا۔

ایشین فٹبال کنفیڈریشن چیمپیئنز لیگ میں آج سعودی کلب النصر کا مقابلہ ایرانی کلب پرسپولیس سے ہوگا۔

سعودی کلب النصر کے پرتگالی اسٹار کرسٹیانو رونالڈو، ساڈیو مانے اور ٹیم کے دیگر کھلاڑی تہران پہنچ گئے، جہاں ایرانی فینز اور حکام نے ان کا استقبال کیا۔

رونالڈو کو ایرانی حکام کی جانب سے تحفوں میں دو ریشمی قالین دیے گئے جبکہ رونالڈو کو خصوصی سِم کارڈ بھی دیا گیا جس کے ذریعے وہ بلا رکاوٹ انٹرنیٹ تک رسائی حاصل کر سکتے ہیں۔

واضح رہے کہ سعودی کلب النصر کا مقابلہ آج ایرانی کلب پرسپولیس سے تہران کے آزادی اسٹیڈیم میں ہوگا۔

متعلقہ مضامین-