اینٹی کرپشن عدالت نے سابق وزیراعلیٰ پنجاب پرویز الٰہی کی عبوری ضمانت خارج کر دی ۔
ترقیاتی منصوبوں میں بے ضابطگیوں کے مقدمے میں انٹی کرپشن عدالت نے سابق وزیراعلیٰ پنجاب پرویز الٰہی کی عبوری ضمانت عدم پیروی کی بنیاد پر خارج کرنے کا حکم دے دیا۔
اینٹی کرپشن عدالت کے جج علی رضا نے ساتھ ہی ان کی حاضری معافی کی درخواست بھی خارج کر دی ۔
پی ٹی آئی کی سابق رکن عائشہ گلالئی ( ق)لیگ میں شامل
واضح رہے کہ پرویز الٰہی اپنی عبوری ضمانت کی میعاد ختم ہونے کے باوجود آج بھی اینٹی کرپشن عدالت میں پیش نہ ہوئے ۔
وکیل امجد پرویز نے پرویز الٰہی کی طبی بنیادوں پر حاضری معافی درخواست دائر کی۔
وکیل نے مؤقف اختیار کیا کہ پرویز الٰہی کو سینے مین درد ہے ، اس لیے عدالت میں پیش نہیں ہو سکتے،دوران سماعت پر اسکیوٹر نے عدالت کو بتایا کہ پرویز الٰہی کا میڈیکل جعلی ہے ۔
عدالت نے وکیل سے کہا لائیں رپورٹس دکھائیں، میں ابھیفیصلہ کرتا ہوں ، عدالت نےمیڈیکل رپورٹس فوری پیش کرنے کی ہدایت کر دی ۔
