یاسمین راشد،عمر سرفراز چیمہ اور محمود الرشید کا پی ٹی آئی نہ چھوڑنے کا فیصلہ

پاکستان تحریک انصاف (پی ٹی آئی) کی سینئر رہنما ڈاکٹر یاسمین راشد نے کہا ہے کہ میں تحریک انصاف نہیں چھوڑوں گی۔

انسداد دہشتگردی عدالت (اے ٹی سی) میں پیشی کے دوران میڈیا سےمختصر گفتگو کرتے ہوئے انہوں نے کہا کہ میں تحریک انصاف کے ساتھ رہوں گی اور تحریک انصاف نہیں چھوڑوں گی۔

یاسمین راشد کو آج 3 روزہ جسمانی ریمانڈ مکمل ہونے پر لاہور کی انسداد دہشت گردی عدالت میں پیش کیا گیا تھا۔

اعجاز چوہدری اڈیالہ جیل سے رہائی کے بعد پھر گرفتار

آج پی ٹی آئی رہنما اور سابق گورنر پنجاب عمر سرفراز چیمہ کو بھی اے ٹی سی لاہور میں پیش کیا گیا۔ پیشی پر صحافی کی جانب سے سوال کیا گیا کہ کیا آپ نے بھی پی ٹی آئی چھوڑنے کا فیصلہ کر لیا ہے؟

عمر سرفراز چیمہ نے جواب دیا کہ میں پی ٹی آئی کا نظریاتی ورکر ہوں جو خود ایک پارٹی ہوتا ہے۔عمر سرفراز چیمہ نے مزید کہا کہ ایک کیس میں ضمانت ہوگی تو دوسرے میں پکڑ لیا جائے گا پھر کیا فائدہ؟

رہنما تحریق انصاف محمود الرشید نے بھی عدالت میں پیشی کے وقت میڈیا سے گفتگو میں کہا کہ وہ کبھی بھی عمران خان اور پی ٹی آئی کو چھوڑنے کا سوچ ہیں نہیں سکتے۔ صحافی نے سوال کیا کہ فواد چوہدری پارٹی چھوڑ چکے ہیں ۔

محمود الرشید نے جواب میں کہا کہ پارٹی کا گند خود بخود صاف ہوتا جا رہا ہے۔

متعلقہ مضامین-