پاکستان تحریک انصاف ( پی ٹی آئی ) کے رہنما علی محمد خان کی درخواست ضمانت منظور ہو گئی ۔
تفصیلات کے مطابق مردان میں سیشن جج انعام اللہ نے پی ٹی آئی کے رہنما اور سابق وزیر مملکت علی محمد خان کی ضمانت منظورکر لی ہے،عدالت نے علی محمد خان کو 5 لاکھ روپے کے مچلکے جمع کرانے کا حکم دے دیا ہے۔
علی محمد خان رہائی کے بعد چھٹی بار گرفتار
علی محمد خان اینٹی کرپشن کے مقدمے میں زیر حراست تھے ، دوسری جانب پشاور ہائی کورٹ نے علی محمد خان کے خلاف کیسز کی تفصیلات کی فراہمی کی درخواست میں اینٹی کرپشن ، ڈپٹی کمشنر مردان اور نیب سے ضروری ریکارڈ طلب کر لیا ہے۔
وکیل درخواست گزار کا کہنا تھا کہ ایک کیس میں رہائی کے بعد دوبارہ گرفتار کر لیا جاتاہے ، عدالت نے درخواست کی سماعت 4 اگست تک ملتوی کر د ی ہے۔
