چیئرمین پاکستان تحریک انصاف (پی ٹی آئی) عمران خان کے گھرکے سوئپر کی جانب سے عمران خان کے ضمانتی مچلے منظور کرنے سے انکار کر دیا۔
انسداد دہشت گردی عدالت لاہور میں چیئرمین تحریک انصاف عمران خان کے خلاف جناح ہاؤس حملہ کیس کی سماعت ہوئی۔
عدالت نے عمران خان کے ضمانتی مچلکے منظور کرنے سے انکار کر دیا۔ انسداد دہشت گردی عدالت کے جج اعجاز احمد بٹر کے روبرو عمران خان کا ضمانتی سوئپر شیروز پیش ہوا اور کہا کہ جو ضمانتی مچلکے عدالت نے طلب کیے ہیں وہ نقد رقم دینے کو تیار ہیں ۔
عمران خان، اسد قیصر سمیت متعدد رہنماؤں کے نام نو فلائی لسٹ میں شامل
عدالت نے استفسار کیا کہ تم کیا کرتے ہو ؟، جس پر ضمانتی شیروز نے جواب دیا کہ میں عمران خان کے گھر میں سوئپر ہوں ۔ عدالت نے 3 مقدمات میں لاکھ لاکھ روپے کا ضمانتی مچلکہ جمع کرانے کا حکم دیا تھا ۔ جج نے کہا کہ میں کیسے یہ مچلکے منظور کر لوں ۔کل کو عمران خان نہ آیا تو تم ذمے دار ہو گے۔ ضمانتی ذمے داری کے سوال پر سوئپر شیروز خاموش ہوگیا۔
واضح رہے کہ عمران خان کا ضمانتی سوئپر مقدمہ نمبر23 /1271 گلبرگ ، 96/23 سرور روڈاور 768/23 تھانہ شادمان میں درج مقدمے میں ضمانتی مچلکے جمع کرانے آیا تھا۔
