وفاقی ویزر صحت عبدالقادر پٹیل کا کہنا ہے کہ عمران خان کے خون میں شراب اور کوکین کے اجزاء پائے گئے ہیں ، اگلی رپورٹ میں تناسب کے متعلق پتا چلے گا۔
پیپلز پارٹی سے تعلق رکھنے والے وفاقی وزیر عبدالقادر پٹیل کا کہنا ہے کہ ڈاکٹر کی رپورٹ کے مطابق عمران خان کی ذہنی حالت بھی ٹھیک نہیں ، اس شخص کو عدالتوں نے صادق اور امین قرار دیا تھا۔
ان کا کہنا تھا کہ ٹیسٹ رپورٹ کے مطابق عمران خان کی ٹانگ میں کوئی فریکچر نہیں تھا یہ 5 سے 6 ماہ تک کیوں پلاسٹر لگا کر گھومتے رہے۔
ان کا کہنا تھا کہ عمران خان کے پیشاب ک بھی سیمپل ٹیسٹ کیا گیا، ابتدائی رپورٹ کے مطابق ٹاکسک چیزوں کا استعمال یعنی شراب اور کوکین کا بے دریغ استعمال سامنے آیا ہے۔
ان کا کہنا تھا کہ عمران خان کی دماغی حالت کو دیکھتے ہوئے پہلے بھی کئی بار کہا تھا کہ انہیں دماغی علاج کی ضرورت ہے۔
انہوں نے کہا کہ عمران خان کی گرفتاری کے وقت 9 مئی کو ان کے بلڈ اور یورن سیمپل لیے گئے تھے ۔
