چیئرمین تحریک انصاف (پی ٹی آئی ) عمران خان کے فوکل پرسن اظہر مشوانی گھر پہنچ گئے ۔
ٹوئٹر پیغام میں اظہر مشوانی کا کہنا تھا کہ وہ گھر پہنچ چکے ہیں اور وہ دعا گو ہیں کہ ان کے دیگر اسیر ساتھی بھی جلد گھر پہنچ جائیں اور اپنے اہل خانہ کے ساتھ افطاری کریں ۔
مبینہ طور پر گزشتہ ہفتے سے غائب اظہر مشوانی گھر پہنچ گئے ہیں، یاد رہے کہ تقریباً ایک ہفتہ قبل وہ لاہور سےاچانک غائب ہو گئے تھے۔
جس پر اپنے ججز کو اعتماد نہیں،اس فیصلے کی کوئی حیثیت نہیں:مریم نواز
جس پر ان کی اہلیہ ماہ نور اظہر نے اپنے ٹوئٹ میں کہا تھا کہ میرے شوہر تین بجے کے قریب گھر سے لاپتہ ہوئے وہ زمان پارک کے لئے روانہ ہوئے تھے، اگر کسی کو معلوم ہے تو مجھے اطلاع کرے۔
الحمدللہ میں ابھی بخیر و عافیت گھر واپس پہنچ چکا ہوں
ان 8 دنوں میں آپ کی دعاؤں، کاوشوں اور سپورٹ نے تاعمر کے لیے ہمیں مقروض کر دیا ہے – جزاک اللہ 🙏🏼
دعا ہے کہ ہمارے دیگر اسیر کارکنان بھی جلد اپنی فیملیز کے ساتھ افطاری کریں۔
— Azhar Mashwani (@MashwaniAzhar) March 31, 2023
اس کے بعد عمران خان کے فوکل پرسن اظہر مشوانی کے مبینہ اغوا پر کا مقدمہ درج کرانے سے متعلق درخواست سیشن کورٹ لاہور میں دی گئی۔
کل تک جیلوں میں رہنے والے آج اسمبلی میں تقاریر کر ہے ہیں:چیف جسٹس
سیشن کورٹ لاہور میں درخواست اظہر مشوانی کے بھائی نے جمع کرائی تھی۔ درخواست میں موقف اختیار کیا گیا تھا کہ بھائی کو زمان پارک جاتے ہوئے نامعلوم افراد نے اغوا کر لیا تھا جبکہ پولیس کو ایف آئی ار کے لیے درخواست دی لیکن مقدمہ درج نہیں کیا گیا۔
درخواست گزار نے عدالت کو مقدمہ درج کرنے کا حکم دینے اور مبینہ مغوی کو بازیاب کرانے کا حکم جاری کرنے کی استدعا کی تھی۔
