پاکستانی اداکارہ صبا قمر برائیڈل فیشن ویک کے دوران ریمپ پر واک کرتے گر پڑیں، پھر ایسا کام کیا کہ سب دنگ رہ گئے

لاہور (مانیٹرنگ ڈیسک) پاکستانی اداکارہ صبا قمر برائیڈل فیشن ویک کے دوران ریمپ پر واک کرتے ہوئے گر پڑیں۔لاہور میں رنگوں و نور سے بھرپور تین روزہ برائیڈل فیشن ویک کے دوران دیگر ماڈلز کے ہمراہ باغی اداکارہ صبا قمر بھی بطور شو اسٹاپر جلوہ گر ہوئیں۔ صبا قمر سنہرے رنگ کے لباس میں دلہن کی طرح سجی ہوئی بہت خوبصورت لگ رہی تھیں۔ تاہم وہ اس وقت مذاق کا نشانہ بن گئیں جب واک کرتے ہوئے لڑکھڑا کر سنبھلنے کی کوشش میںگرگئیں۔تاہم اداکارہ سب کے سامنے گرنے پر شرمندگی کا اظہار کرنے کے بجائے خود اعتمادی سے اٹھیں اور دوبارہ ریمپ پر واک کرنا شروع کردیا۔ شو میں موجود لوگوں نے اداکارہ کی خود اعتمادی پر تالیاں بجا کر انہیں داد دی۔واضح رہے کہ صبا قمر فلم ہندی میڈیم کے ذریعے بھارتی اداکارعرفان خان کے ساتھ بالی ووڈ میں ڈیبیو کرچکی ہیں جب کہ ان دنوں وہ پاکستانی سوشل میڈیا اسٹار قندیل بلوچ کی زندگی پر مبنی ڈراما سیریل باغی میں مرکزی کردار ادا کر رہی ہیں۔۔