پرسوز سریلی آواز کی مالک گلوکارہ مہناز کو مداحوں سے بچھڑے پانچ سال بیت گئے مگر ان کی آواز کا جادو آج بھی برقرار ہے۔ سریلی، رسیلی، جذبات سے بھر پور آواز کی مالک گلوکارہ مہناز گاتیں تو سننے والے مسحور ہو جاتے تھے۔مہناز 1958 میں کراچی میں پیدا ہوئیں، کلاسیکی گلوکاری ورثے میں پائی، انہوں نے 70 کی دہائی میں ریڈیو پاکستان سے گلوکاری کا آغاز کیا اور موسیقی کی مختلف اصناف میں اپنے فن کا لوہا منوایا۔ غزل گائیکی میں بھی ان کا اپنا ایک منفرد انداز تھا۔ریڈیو، فلم اور ٹیلی وژن کے لیے مجموعی طور پر ڈھائی ہزار سے زائد گانے گائے۔ ایک اندازے کے مطابق اُنہوں نے ساڑھے تین سو فلموں کے لیے پانچ سو سے زیادہ نغمات کو اپنی آواز سے سجایا۔ اپنے دور میں ان کا شمار پاکستان کی بہترین پلے بیک سنگرز میں ہوتا تھا۔ سروں کی ملکہ مہناز بیگم 19 جنوری 2013 کو خالق حقیقی سے جا ملیں مگر مداحوں کے دلوں میں آج بھی زندہ ہیں۔
تازہ ترین