ترک انجینئر نے اسمارٹ فون کی اسکرین کو چھپانے والی چپ تیار کرلی

استبول(ٹیکنالوجی ڈیسک ) ترکی کے انجینیئر نے ایسا چشمہ بنایا ہے جسے پہن کر آپ کے اسمارٹ فون کی اسکرین صرف آپ کو ہی نظر آئے گی اور دیگر افراد کو محض سادہ اسکرین دکھائی دے گا۔عوامی ہجوم یا پبلک ٹرانسپورٹ میں آپ فون استعمال کرتے ہیں تو لوگ بھی آپ کا فون تکنے لگتے ہیں۔ترکی کے رہائشی اس مسئلے سے تنگ آکر ایک خاص چشمہ اور چپ بنانے کا اعلان کیا جسے پہن کر کوئی بھی شخص اسمارٹ فون اسکرین دیکھ سکتا ہے اور بقیہ دوسروں کو وہ دکھائی نہیں دیتا۔انجینئر نے ایک چھوٹی سی مائیکرو چپ بنائی جو کسی بھی اسمارٹ فون اور ٹیبلٹ کے اسکرین کو سفید بنادیتی ہے۔ اس کے بعد انہوں نے خاص عینک میں دوسری چپ لگائی جو بلیوٹوتھ کی مدد سے فون سے جڑ جاتی ہے اور سفید ڈسپلے کو نظر انداز کرتے ہوئے آپ کو اصل اسکرین دکھاتی ہے۔ یہ نظام ہر عینک کے لیے کارآمد ہے اور اس کی قیمت صرف 10 ڈالر یعنی ایک ہزار روپے کے لگ بھگ ہے۔انجینئر کے مطابق اس چپ کے ذریعے آپ لیپ ٹاپ اور ٹی وی اسکرین کو بھی دوسروں کی نظروں سے اوجھل بناسکتے ہیں۔ انجینئر نے اس کا مظاہرہ عوام میں کیا تو وہ حیران رہ گئے اور اب وہ اپنی حیرت انگیز ایجاد کو پیٹنٹ کرانا چاہتے ہیں۔