خواتین کی ڈیزائن کردہ ترکی کی سب سے بڑی مسجد کا افتتاح کر دیا گیاہے۔
اس مسجد میں 63ہزار نمازیوں کی گنجائش ہے۔استنبول میں کملیکا ری پبلک نامی اس مسجد کو 6سال کے عرصے میں مکمل کیا گیا ہے ۔فن تعمیر کی شاہکار اس مسجد کا ڈیزائن فن تعمیر کی ماہر دو خواتین نے تیار کیا ہے جو سلطنت عثمانیہ کے طرز تعمیر کی عکاسی کرتا ہے جبکہ اس کی کْل لاگت تقریباً 9ارب روپے آئی ہے۔اس مسجد کو خوبصورت فانوس،دیدہ زیب قالین اور لائٹوں سے سجایا گیا ہے جو اسکی خوبصورتی میں مزید اضافہ کرتے ہیں۔اس پروجیکٹ کی انچارج زینب ہیں ،جن کا شمار ترکی کے بہترین ڈیزائنرز میں ہوتا ہے۔
