ایران کے ساتھ جنگ کا کوئی خطرہ نہیں

امریکاکے صدر ڈونلڈ ٹرمپ نے ایران کے ساتھ کسی ممکنہ جنگ کے خطرے کو شدید قرار نہیں دیا۔ انہوں نے کہا کہ امریکا ایران کے ساتھ جنگ کے راستے پر نہیں ہے۔ جمعرات سولہ مئی کی شام جب صدر ٹرمپ سے پوچھا گیا کہ کیا امریکی ایرانی جنگ کا کوئی امکان ہے، تو انہوں نے کہا کہ اس کی امید نہیں ہے۔ امریکی صدر نے اس بات کی بھی تردید کی کہ اُن کا کوئی مشیر انہیں جنگ شروع کرنے کے مشورے دے رہا ہے۔ مشیر سے خاص طور پر مراد جان بولٹن تھی۔ دریں اثنا امریکی سینیٹ کو ایران کے ساتھ پیدا شدہ کشیدگی پر بند کمرے میں خصوصی بریفنگ منگل اکیس مئی کو دی جائے گی۔