برطانیہ کی فضائی کمپنی برٹش ایئرویز کا جدید ترین بوئنگ 787 طیارہ گیارہ سال بعد پاکستانی دارالحکومت اسلام آباد کے بین الاقوامی ہوائی اڈے پر لینڈکیا اور اس کے ساتھ ہی برٹش ایئرویز مغربی ممالک کی وہ واحد ایئرلائن بن گئی ہے جو پاکستان کے لیے اپنی پروازیں چلا رہی ہے۔لندن اور اسلام آباد کے درمیان براہِ راست پروازوں سے برٹش ایئرویز پاکستان کی قومی فضائی کمپنی، پی آئی اے، کو ہی نہیں بلکہ خلیجی ایئرلائنز کے لیے بھی مقابلے کی فضا پیدا کرے گی۔
British Airways flight lands in Islamabad as it resumes operations in Pakistan. #Britain #Islamabad #Pakistan #EmergingPakistan pic.twitter.com/zOymeCI1ih
— Emerging Pakistan (@dev9_) June 3, 2019
برٹش ائیرویز نے 11 سال بعد پاکستان کے لئے فضائی آپریشن بحال کر دیا، ہیتھرو سے پرواز 240 مسافر لے کر اسلام آباد پہنچ گئی۔برٹش ایئرویز کی پہلی پرواز صبح 9 بجکر 10 منٹ پر انٹرنیشنل ایئرپورٹ پر اتری، غلام سرور خان، عبدالرزاق داؤو، زلفی بخاری سمیت اعلیٰ حکام نے استقبال کیا۔وزیر ہوا بازی کا کہنا تھا کہ ملک میں سیکیورٹی صورتحال میں بہتری آئی، برٹش ائیرویز کا فضائی آپریشن شروع کرنا موجودہ جمہوری حکومت پر اعتماد کا اظہار ہے۔