ایرانی حکومت کی طرف سے بین الاقوامی جوہری معاہدے کی خلاف ورزی کرنے پر امریکہ نے ایک مرتبہ پھر تہران حکومت کو خبردار کیا ہے۔ ترجمان وائٹ ہاؤ س کےمطابق ایران کے خلاف زیادہ سے زیادہ دباؤ بڑھانے کی پالیسی جاری رکھی جائے گی۔ دوسری جانب امریکہ کےصدر ڈونلڈ ٹرمپ کا کہنا ہے کہ ایران آگ کے ساتھ کھیل رہا ہےاس سے قبل ایران کے وزیر خارجہ جواد ظریف نے کہا تھا کہ انہوں نے کم افزودہ یورنیم کی پیداوار تین سو کلوگرام سے بڑھا دی ہے۔ ایران کو صرف تین سو کلوگرام سےکم افزودہ یورنیم رکھنے کی اجازت ہے۔ یورپی یونین نے ایران سے جوہری معاہدے کی پاسداری کرنے کا مطالبہ کیا ہے۔
تازہ ترین