وزیراعظم کی معاون خصوصی برائے اطلاعات فردوس عاشق اعوان نے ٹویٹ کرتے ہوئے کہا ہے کہ سابق حکمرانوں کے غیر ملکی دورے مال مفت دل بے رحم کے مصداق ہیں، قوم کے مال پر بادشاہ بنے پھرتے تھے، آج اس لوٹ مار کو بے شرمی سے استحقاق قرار دیتے ہیں، گاڑیاں سرکاری، بیرون ملک ذاتی دورے بھی قوم کی جیب سے کئے گئے، آج حساب کی باری آئی تو رونا دھونا ختم نہیں ہو رہا، اب روئیں ناں، حساب دیئے بغیر جان چھوٹنے والی نہیں۔معاون خصوصی نے مزید کہا کہ غریبوں کے مال پر سیر سپاٹے کا یوم حساب آن پہنچا، قوم کے سرمائے سے کروڑوں روپے ٹپ دی گئی، لٹیرے ٹپ نہ دیتے تو آج قوم غربت سے ہلکان نہ ہوتی۔
سابق حکمران قوم کے مال پر بادشاہ بنے پھرتے تھے۔ آج اس لوٹ مار کو بے شرمی سے استحقاق قرار دیتے ہیں۔ گاڑیاں سرکاری، بیرون ملک ذاتی دورے بھی قوم کی جیب سے کئے گئے۔ آج حساب کی باری آئی تو رونا دھونا ختم نہیں ہورہا۔ اب روئیں ناں، حساب دیئے بغیر جان چھوٹنے والی نہیں۔ pic.twitter.com/vTGckmmVlH
— Firdous Ashiq Awan (@Dr_FirdousPTI) July 10, 2019
