اوپن مارکیٹ ریٹس

ہمیں فالو کریں

806,477FansLike
9,940FollowersFollow
552,800FollowersFollow
169,527SubscribersSubscribe

رینجرزآپریشن: گینگ وار کے ٹارگٹ کلر سمیت 7 ملزمان گرفتار

کراچی میں رینجرز نے کارروائیاں کرتے ہوئے سات ملزمان کو گرفتار کیا جو سنگین جرائم میں ملوث ہیں۔رینجرز ترجمان نے حالیہ کارروائیوں سے متعلق اعلامیہ جاری کیا ہے جس میں بتایا گیا ہے کہ حراست میں لیے گئے ملزمان اسٹریٹ کرائم اور ڈکیتیوں سمیت دیگر جرائم میں ملوث تھے۔
رینجرز ترجمان کے مطابق ملزمان کے قبضے سے اسلحہ، ایمونیشن اور چھینا ہوا مسروقہ سامان بھی برآمد کیا گیا ہے۔ اعلامیہ کے مطابق کلاکوٹ سے لیاری گینگ وار کے ملزم نوشاد عرف نانو گرفتار کیا ہے۔مذکورہ ملزم ٹارگٹ کلنگ کی متعدد وارداتوں میں ملوث ہے جبکہ گلشن اقبال سے چار ملزمان گرفتار کیے گئے جو لوٹ مار، ڈکیتی اوربھتہ خوری میں ملوث ہیں۔ترجمان رینجرز کا مزید کہنا ہے کہ میمن گوٹھ سے دو ملزمان کو گرفتار کیا،یہ ملزمان شہر میں ڈکیتی اور اسٹریٹ کرائم کی متعدد وارداتوں میں ملوث ہیں، ملزمان کے قبضے سے غیرقانونی اسلحہ اورمسروقہ سامان برآمد ہوا ہے۔
علاوہ ازیں اینٹی نارکوٹکس فورس نے حیدرآباد کے فتح چوک میں کامیاب کارروائی کرکے، دو ملزمان کو گرفتار کیا۔اےاین ایف حکام کے مطابق ملزمان کے قبضےسے دو کلو حشیش اورڈیڑھ کلو سے زائد افیون برآمد ہوئی، اس کے علاوہ ملزمان سے موٹرسائیکل اور رکشہ بھی برآمد ہوا ہے۔