بھارت فوری طور پر کالا پانی سے نکل جائے

نیپال کے وزیراعظم کے پی اولی نے بیان میں کہا ہے کہ اپنی ایک انچ زمین بھی کسی کے قبضے میں نہیں رہنے دیں گے، بھارت فوری طور پر کالا پانی سے نکل جائے، کالا پانی نیپال کا حصہ ہے۔ان کا کہنا تھا کہ اس سرحدی تنازعے کو بات چیت کے ذریعے حل کرنا چاہتے ہیں، اپنی زمین کی حفاظت ہماری ذمہ داری ہے، اگر ہم کسی اور کی زمین نہیں چاہتے تو ہمارے ہمسایہ ممالک کو بھی اپنی فوجیوں کو واپس بلانا چاہیے۔‘
نیپالی وزیراعظم نے کہا یہ نقشے کی بات نہیں ہے، اپنی زمین واپس لینے کا معاملہ ہے، ہماری حکومت زمین واپس لے گی،ان مسائل کا حل کشیدگی سے نہیں ہو سکتا، نیپالی حکومت نیپالی عوام کی ہے اور ہم کسی کو اپنی زمین کا ایک انچ بھی نہیں لینے دیں گے۔