جسٹس گلزار احمد کو نیا چیف جسٹس آف پاکستان مقرر کرنے کا نوٹیفکیشن جاری

وزارت قانون نے صدر مملکت کی منظوری کے بعد جسٹس گلزار احمد کی بطور چیف جسٹس آف پاکستان تقرری کا نوٹیفکیشن جاری کر دیا ہے۔ نوٹیفکیشن کے مطابق آئین کے آرٹیکل 175 اے اور 177 کے تحت صدر مملکت نے سپریم کورٹ کے سینئر ترین جج جسٹس گلزار احمد کی بطور چیف جسٹس تقرری کی منظوری دی۔جسٹس گلزار احمد 22 دسمبر کو عہدے کا حلف اٹھائیں گے جبکہ موجودہ چیف جسٹس آصف سعید کھوسہ 20 دسمبر کو ریٹائر ہو رہے ہیں۔