بھارتی مظالم کے خلاف دنیا بھر میں آج یوم یک جہتی کشمیر منایا جا رہا ہے

آج پاکستان سمیت دنیا بھر میں مظلوم کشمیریوں کے ساتھ اظہار یک جہتی کے لیے ریلیاں نکالی جائیں گی اور تقریبات منعقد کیے جائیں گے۔ اس سلسلے میں آزاد کشمیر میں بھی ریلیاں اور دیگر تقریبات کا انعقاد کیا جا رہا ہے۔
یوم یک جہتی کشمیر پر آزاد کشمیر کی قانون ساز اسمبلی کا اجلاس بھی طلب کیا گیا ہے۔ اجلاس سے وزیر اعظم پاکستان عمران خان خصوصی خطاب کریں گے۔ آج کوہالہ پل پر انسانی ہاتھوں کی زنجیر بھی بنائی جائے گی۔
حکومت سندھ کی جانب سے کراچی میں یوم یک جہتی کشمیر ریلی اور جلسے کا انعقاد کیا جائے گا۔ کشمیر روڈ سے مزار قائد تک وزیر اعلیٰ سندھ مراد علی شاہ کی قیادت میں ریلی نکالی جائے گی۔ پیپلز پارٹی کی جانب سے کشمیر کالونی میں جلسہ عام ہوگا۔ جس سے فریال تالپور اور دیگر رہنما خطاب کریں گے۔
کوئٹہ، چمن شہر میں بھی یوم یک جہتی کشمیر جوش و جذبے سے منایا جا رہا ہے۔ شہر کی اہم شاہراہوں اور اہم عمارتوں پر کشمیر کے پرچم لہرا دیے گئے ہیں۔ ضلع بھر میں مختلف ریلیوں کا انعقاد بھی کیا جا رہا ہے۔
خیال رہے کہ مقبوضہ جموں کشمیر میں کرفیو اور لاک ڈاؤن مسلسل 185 روز سے جاری ہے

جواب دیں

Please enter your comment!
Please enter your name here

+ 75 = 84