کورونا وائرس کی عالمگیر وبا کی حقیقت کو نظر انداز کرنے والے عالمی رہنماؤں کی فہرست میں شامل برازیل کے صدر جیئر بولسونارو بھی اب کورونا وائرس کا ٹیسٹ کرائیں گے۔ ان کا کہنا ہے کہ پھیپھڑوں کے ایکس رے کے بعد وہ اب کووڈ انیس کا ٹیسٹ کرائیں گے۔ تاہم انہوں نے یہ نہیں بتایا کہ آیا ان میں اس بیماری کی علامات ظاہر ہیں یا نہیں۔ لاطینی امریکی ملک برازیل میں اب تک تقریباََ ساڑھے 65 ہزار افراد اس مہلک مرض کی وجہ سے ہلاک ہو چکے ہیں۔ امریکا کے بعد برازیل دنیا کا دوسرا متاثرہ ترین ملک ہے جہاں سولا لاکھ تیئس ہزار سے زائد افراد اس وائرس کی زد میں آ چکے ہيں۔ دنیا بھر میں ایک کروڑ سولا لاکھ بائیس ہزار سے زائد افراد کووڈ انیس کے مرض میں مبتلا ہو چکے ہيں جبکہ 63 لاکھ سے زائد دوبارہ صحت یاب ہو چکے ہیں۔
تازہ ترین