ترکی کی جانب سے فرانس پر اشتعال انگیزی کا الزام عائد کیا گیا ہے ۔جس کے بعد ترکی نے اپنے ساحلوں کے قریب نئی بحری مشقیں شروع کرنے کا اعلان کر دیا ہے۔ اس سے پہلے یونان، قبرص اور فرانس نے قبرص کے مغرب میں جنگی مشقوں کا آغاز کیا تھا۔ ان مشقوں میں یونان کے بمبار طیاروں کے ساتھ ساتھ فرانسیسی جنگی طیارے بھی حصہ لے رہے ہیں۔ یونان کے سرکاری ریڈیو کے مطابق آئندہ چند روز میں اٹلی اور فرانس کے بحری بیڑے بھی ان مشقوں میں شامل ہو جائیں گے۔ تجزیہ کاروں کے مطابق بحیرہ روم میں گیس کا تنازعہ اب فوجی کشیدگی میں بدل رہا ہے۔
تازہ ترین