لاہور ہائیکورٹ کا معاونِ خصوصی شہباز گل پر انڈے اور سیاہی پھینکنے کا نوٹس

جسٹس ملک شہزاد احمد خان نے نوٹس لیتے ہوئےریمارکس دیے کہ پولیس کسی بے گناہ کے ساتھ زیادتی نہ کرے، ہائیکورٹ میں آنے والا ہر شخص قابل احترام ہے، شہباز گل پر سیاہی اور انڈے پھینکنے پر تشویش ہے، ہائیکورٹ کے سی سی ٹی وی کیمروں کی مدد سے ذمہ داروں کی شناخت کی جائے۔
یاد رہے کے گزشتہ روز وزیراعظم کے معاون خصوصی شہبازگل کی ہائی کورٹ آمد پر لیگی کارکنوں نے ان پر انڈے برسا دیئے تھے۔
تحریک انصاف کے رہنما شہبازگل لاہور ہائی کورٹ پہنچے تو پہلے سے موجود مسلم لیگ (ن) کے کارکنان نے انہیں انڈے دے مارے، جب کہ کارکنان نے ان پر سیاہی بھی پھینکی، جس سے شہباز گل کے کپڑے اور ہاتھ سیاہی سے آلودہ ہوگئےتھے۔

علاوہ ازیں شہباز گل پر انڈے مارنے اور سیاہی پھینکنے میں ملوث گرفتار لیگی کارکنان کو پولیس نے ضلع کچہری میں پیش کیا۔ پولیس ملزمان کا ریمانڈ حاصل کریگی۔

جواب دیں

Please enter your comment!
Please enter your name here

17 + = 20