پاکستان میں گورننس ڈی ریل، ادارے یرغمال اور عوام سفاک کارٹیلز کے رحم و کرم پر ہیں:بلاول بھٹو زرداری
محترمہ بے نظیر بھٹو کے یومِ پیدائش کی مناسبت سے اپنے پیغام میں چیئرمین پیپلزپارٹی بلاول بھٹو زرداری نے کہا کہ ایک منتخب وزیراعظم کی حیثیت سے بے نظیر بھٹو نے آئین و پارلیمان کی بالادستی کے لیے ہم آہنگی پیدا کی، عوام دوست طرز حکمرانی کے لیے ادارے قائم کیے اور تعلیم، صحت و روزگار کے مواقع جیسے بنیادی حقوق تک پسماندہ طبقات کی رسائی کو یقینی بنایا۔ اس موقع پر انھوں نے وفاقی حکومت کو بھی شدید تنقید کا نشانہ بنایا۔