بچو اس وقت سے جب عمران خان نے نوجوانوں کو کال دی کہ خود ہارس ٹریڈنگ کو روکیں ،فواد چوہدری

اسلام آباد(آن لائن) فواد چوہدری کا کہنا ہے کہ سندھ ہاوس میں ارکان کی بولیاں لگائی جا رہی ہیں ۔اسمبلی ارکان کو گدھوں اور گھوڑوں کی طرح خریدا اور بیچا جا رہا ہے۔وفاقی وزیر اطلاعات نے اسلام آباد میں تقریب سے خطاب کرتے ہوئے کہا کہ اس وقت سے بچیں کہ جب عمران خان نے نوجوانوں کو کال دی کہ خود اس ہارس ٹریڈنگ کو روکیں ۔تقریب کے دوران شرکاء کی جانب سے ڈیزیل کے نعرے لگائے گئے جس پر فواد چوہدری نے مولانا فضل الرحمان کو ڈیزل کہنے پر روک دیا۔شہباز شریف کو تنقید کا نشانہ بناتے ہوئے فواد چوہدری نےانہیں چھوٹا ڈان کہ کر پکارا۔ان کا کہنا تھا کہ یہ قومی حکومت بنانے کی باتیں کرتے ہیں ،عقل کے اندھے کہتے ہیں کہ ڈاکوؤں کی حکومت بناؤ اورچوروں کو بچاؤ۔ہم اپنے بچوں کا مستقبل ان چوروں کے ہاتھوں میں نہیں جانیں دیں گے۔